07 Јул Повик за ангажирање на експерт за подготовка и одржување на веб страница
Ekspert za podgotovka i odrzuvanje na web strana
ЕКСПЕРТ ЗА ПОДГОТОВКА И ОДРЖУВАЊЕ НА ВЕБ СТРАНИЦА
Центар за социјални иницијативи НАДЕЖ, како дел од мрежата ARISE: Акција за намалување на нееднаквостите во образованието , го реализира Проектот „Инспирирај, мотивирај, делувај за подобро образование“, финансиран од Европската Унија. Проектот цели кон поттикнување на подобра образовна интеграција на учениците со низок социо-економски статус во заедницата и подигнување на свеста помеѓу локалните чинители за потребата од преземање акција за надминување на последиците од нискиот социо-економски статус врз образовниот и личен развој на учениците, преку следните активности:
- Активности за зајакнување на капацитетите на ЦСИ НАДЕЖ за поддршка на учениците со низок социо-економски статус и за работа на образовни прашања во заедницата и пошироко;
- Активности за намалување на последиците од нискиот социо-економски статус врз образовните постигнувања на учениците
- Активности за инволвирање на самите ученици и семејствата во процесот на изнаоѓање решенија за подобрување на нивната свест и разбирање за потребата од преземање акции за намалување на последиците од нискиот социо-економски статус врз образовниот и личен развој:
- Активности за зајакнување на разбирањето и сопствената свест на учениците да ги разберат и практикуваат вредностите за да им помогнат на оние кои се погодени од сиромаштија
- Активности за запознавање на пошироката јавност на национално ниво за влијанието на сиромаштијата врз развојот на учениците и нивната благосостојба
ЦСИ НАДЕЖ преку овој повик поканува пријави за ангажирање на експерт за креирање и оддржување на поддомеjн на организациската веб страна.
Опис на ангажманот
Редовно одржување на веб страната на ЦСИ НАДЕЖ и нејзино подобрување/адаптирање, како и подготовка и редовно одржување на поддомеjн на веб страницата на ЦСИ НАДЕЖ, наменет за проектот “Инспирирај, мотивирај, делувај за подобро образование”, со што ќе се овозможи:
- претставување на проектот на пошироката јавност;
- актуализирање на предизвиците на учениците со низок социо-економски статус, нивните семејства, наставници и понуда на содржини за надминување на истите, преку креирње на тематски секции и потсекции;
- презентирање на визуелно привлечен медиум за презентирање на информации, новости, повици за учество и придонес, интересни приказни, фотографии и видеа;
- поставување важни линкови до други иницијативи, партнери, засегнати страни и активности на ЦСИ НАДЕЖ, проектните партнери и различни извори на информации за процесот на градење инклузивен образовен систем и општество;
- јасно и видливо брендирање на донаторот/донаторите и придржување до правилата за видливост и комуникации поставени од Европската Унија.
Времетраење на ангажманот
- август 2021 – декември 2022 г.
Место на извршување на ангажманот
- дома/канцеларија на ЦСИ НАДЕЖ
Квалификации и искуство
- соодветно образование (прв циклус студии во областа ИКТ или сертфикати за завршени курсеви за веб дизајн);
- докажано искуство во дизајнирање веб страници (листа на клиенти односно дизајнирани веб страници).
Овој оглас е отворен за сите државјани на Р. С. Македонија. ЦСИ НАДЕЖ не поддржува дискриминација по било која основа. Ги покануваме заинтересираните кандидати да достават aжурирана професионална биографија и драфт идејно решение на следната адреса admin@csinadez.mk
Крајниот рок за доставување на апликациите е 13.07.2021 г. до 16.00 часот.
За жал, формуларот за коментари не е достапен моментално