Учиме да броиме до 10

03 Мар Учиме да броиме до 10

Секој ден во текот на месецот февруари, дечињата од нашиот центар за претшколска возраст учеа по еден број до 10, а ние се фокусиравме на задачата не само да ги научиме на памет да избројат до десет, туку и да ги препознаваат броевите и да знаат да ги читаат, испишуваат но и кога ќе видат одреден број на предмети да ја заприметат количината на истите. На крајот од месецот се одржа креативна работилница за родители и деца на која изработувавме „броенки“ во кои од една страна се гледаше одреден испишан број, а десно од него се лепеа разни предмети во тој број, на пример 2 цвекиња, 3 птици, 4 сончогледи и слично за помалите броеви, а за броевите 8 9 и 10 илустрациите кои ги користевме беа геометриските фигури кои ги научивме порано овој месец. Оваа броенка по комплетирањето, родителите си ја однесоа дома, и целта ни е во наредните месец дена или се додека не научат дечињата, родителите да ја користат броенката за да ги вежбаат броевите, да ги испрашуваат и да ги поттикнуваат да бројат со неа.

Нема Коментари

За жал, формуларот за коментари не е достапен моментално