ШТО Е „СКРЕЧ“ ? (Scratch)

„Скреч“ (Scratch) е програмски јазик во којшто може да се креираат сопствени интерактивни приказни, игри и анимации. Може да се користи од страна на учениците, наставниците и родителите, засебно или заеднички. Преку Scratch се развива систематичноста и креативното размислување. Изработените материјали од оваа програма може да се употребуваат во образовни цели и за природните и општествените науки. Може да се направат симулации, визуeлизации, експерименти, презентации, анимирани приказни и други интерактивни активности.

Основниот екран на Scratch се состои од повеќе елементи :

  1. Почетна страница (Home)/ Зачувај (Save)
  2. Сцена (Stage)
  3. Приказ на цел екран (Full Screen)
  4. Поглед на квадратна мрежа (Grid View)
  5. Промена на заднина (Change Background)
  6. Додај текст (Add Text)
  7. Повторно постави фигури (Reset Characters)
  8. Почни (Play!)
  9. Страници (Pages)
  10. Информации за проектот (Project Information)
  11. Врати/Повтори (Undo/ Redo)
  12. Скрипта (Script)
  13. Област за пишување програма (Programming Area)
  14. Лента со блокови (Blocks Palette)
  15. Категории за блокови (Block Categories)
  16. Фигури (Characters)

БЛОКОВИ

Наредбите во Scratch се даваат во форма на блокови.На нив се прикажува дејството што го извршува блокот а во празното бело поле се запишува колку пати сакаме да се направи тој чекор. Блоковите се поделени во неколку категории:

1.Блоковите за почеток (старт) на програмата имаат жолта боја.

2.Блоковите за движење на објектите имаат сина боја.

3.Блоковите за изглед на објектите имаат виолетова боја.

4.Блоковите за звук имаат зелена боја.

5.Контролните блокови имаат портокалова боја.

6.Блоковите за крај на програмата имаат црвена боја.