Почитувани, Фондацијата „Чекор по чекор“ има посебно задоволство да ги покани сите наставници и членовите на стручната служба од основните училиштата од целата држава на обуката на тема: „Зајакнување на капацитетите за превенција и справување со насилство во училиште“. Предавачи на оваа обука се Прим. Д-р Мери Бошковска и Проф. Д-р Љуљзим Адеми. Оваа обука се реализира во рамки на проектот “И јас имам глас” со поддршка на “Save The Children International” – Косово и Шведската Агенција за меѓународен развој. На крајот на оваа обука, на учесниците ќе им се додели сертификат за успешно завршената обука.Целта на Проектот е да се подобри јавната свест за важноста на проактивното почитување на правата на децата како и за важноста на градењето капацитети на децата и младите за активно и одговорно граѓанство и учество во процесите на донесување одлуки кои ги засегаат на училишно и локално ниво.Рокот за пријавување на оваа обука е најдоцна до 29.11. (понеделник) до 14 часот, со ваше име, презиме, емаил адреса, институција и општина во која работите на следната адреса: zvezdan@stepbystep.org.mk. По вашето пријавување ќе ја добиете целосната агенда и линкот за приклучување на првиот ден од обуката којa е планиранa да започне на 02.12. (четврток) во 17:30 часот. Обуката е во времетраење од 4 дена, односно на следните датуми: 02, 03, 09 и 10 декември, со почеток во 17:30 часот.НАПОМЕНА: Оваа обука веќе беше реализирана во месец јуни,септември и октомври, и истата обука ќе се повтори во месец декември, со цел да се опфатат повеќе учесници. Учесниците кои присуствуваа на обуката во јуни и септември веќе добија сертификати за учество на оваа обука.